Monday, December 31, 2007

ربما كانت هذه الفرصة الأخيرة التى أستطيع أن أسافر فيها بأولادى
ليه بتقول كده ؟ -
البنات كبروا .. وهاتلاقيهم يطيروا هوا .. ونلاقى نفسنا لوحدينا -
لسه بدرى -
بيتهيألك .. سنة ولا حاجة والخيط هايكرّ مافيش كلام .. يبقى فرصة بقى نروح ديزنى .. وميامى .. ويونيفرسال
ياه .. انت لسه بتحلم ؟ -
وهافضل احلم .. عارفة من امتى ؟ -
امتى ؟ -
من ساعة ما لولو كانت بتقول وهى صغيرة " امريكا يابابا امريكا " .. كات تسع سنين و ماعرفش ايه اللى جاب سيرة امريكا قدامها
خدوا فالكوا من عيالكوا -
لأ والرحلة كمان فيها يوم وليلة فى فيينا .. هانشوف الاوبرا .. والدانوب -
ليالى الانس فى فيينا ؟ -
بالضبط كده .. بس للأسف مش هابقى معاكوا .. انتوا هاتحصلونى بعدها باسبوعين .. اهو اجرب انا واقول لكم التفاصيل عشان تمشوا زيى تمام
ياه .. معقولة ؟ -
مافيش حاجة كبيرة على ربنا .. الحمد لله على كل حال .. -
ألف حمد -
نقدر برضه نلاقى قرشين نجهز بيهم الولاد.. مش عايز اتفاجئ -
حقه .. تعليمهم خلص عاللى ورانا وقدامنا .. يعنى عشان نجهزّ .. بالقسط -
شوفى أنا عامل خطة وهدف -
ايه الهدف -
أنى أكون مبلغ معين -
لدندن ؟ -
ولولو كمان .. صحيح صعبة .. لكن هاحاول على قد ماقدر .. أولا آخد منحة تفوق .. تعفينى من المصاريف .. وتدينى مكافأة شهرية
جميل -
وكمان اعيش باربعة دولار فى اليوم -
مستحيل -
ماهو باستثناء السكن والمواصلات .. ممكن .. وكمان اشترى مرة فى الاسبوع حاجات الفطار والعشاء -
بس دى عيشة صعبة قوى -
معلهش .. ماعدا بس الفترة اللى هاتشرفونى فيها .. تلات اسابيع الميزانية هاتكون مخرمة فيها حبتين -
هاتقدر ؟ -
ربنا المعين -

كان هذا العام واحدا من أحلى السنين .. حصلت فيه على ماجستير ادارة الأعمال من جامعة جورجيا باطلانطا .. ليس هذا فقط .. أنا أول الولاية فى علوم صناعة القرار .. وبفضل من الله أمكننى أن ارى اولادى امريكا وأطوف بهم فى عربة فورد تاورس ديزنى و يونيفرسال ستوديو حيث أفلام كينج كونج والاعصار وكذلك عالم البحار وغيرها .. هذه أورلاندو .. ثم كوكاكولا وسى إن إن فى اطلانتا .. وكل المتاحف والأماكن السياحية فيها

واخيرا .. امكننى أن اعيش باربعة دولارات فى اليوم فى غير الأجازة .. لكننى فى النهاية حققت الهدف .. وعدت الى مصر مطمئنا لأى مفاجآت

وبمجرد عودتى ..
بابا -
فيه ايه يا دندن ؟ -
!!.. فيه ناس عاوزين يشوفوك -




أمريكا .. مرة أخرى ..

18 comments:

carol 2002 said...

جمييييلة أحلامك
و جميلة أهدافك
و الاجمل إرادتك و إصرارك على تحقيقها
بالرغم من صعوبتها أحيانا

أعتقد إنه أجمل و اروع المواقف
هى دور الأب فى تخطيط حياة أسرته
و تدبير شؤنها المستقبليه

بالرغم من صعوبة التضحية
ولكننى أعتقد إنها تزرع داخل قلبك
أجمل المشاعر و تزيل أى إحساس بتعب

و كل هذا يجعلك تشعر بقيمة و جمال الدنيا
بقدر ما فيها من تعب و تضحية
ولكن صداها يكون مشاعر جميلة
و فرحه لا تقدر

مثل فرحتك بإبنتك وهى عروسة جميلة
:)

أتمنى لك مع قدوم العام الجديد
كل الفرح و السعادة و الصحه الجيدة
و تظل مبتسما كما أنت للدنيا
و تظل محتفظا بقوة إرادتك الجميلة
مع كل يوم جديد

كل سنة و انت طيب
:)

karim said...

لاشك ان التدبر بامور الحياة من اهم النجاحات فى حياتنا وانت دائما تبهرنى بتدبرك و تفهمك و تصرفك للاشياء و للظروف. عام سعيد لك وللاسرة الجميلة

بنت القمر said...

شريف ابو البنات
وانا كمان ام البنات ربنا يخليهم لك واحلامك تبقا حقيقه
وتفرح بيهم
والمدامكمان والرحله الجايه تكون احلي واحلي
كل عام وانت بخير

Sherif said...

العزيزة جدا Carol

كما هو التحدى صعب احيانا .. وقد لاتجد امامك حلا آخر

ألا أن النجاح يمسح كل تعب ..والوصول الى النهاية يملأ قلوبنا بالسعادة .. والشكر لله على العون

ليس فى الدنيا أجمل من عروسة فى ملابس الفرح سعيدة وكأن الدنيا دانت بين يديها

مع قدوم عام جديد .. ادعو لك بكل ماتتمنيه من سعادة وأكثر
وكل ماتتمنيه من صحة وأكثر
وكل ما تتمنيه من توفيق .. وأكثر

Sherif said...

بنت القمر

أم البنات .. ولأنك بنت القمر .. فلابد أن يكونوا قمرات مثل أمهم

ربنا يسعدك بيهم هى دعوة من القلب مع قدوم عام جديد

لك أطيب الأمنيات .. وللأسرة السعيدة

Sherif said...

Karim

كل عام وانت بالف صحة وسعادة

أعاده الله عليك وقد حققت كل امنياتك

عدى النهار said...

كل سنة وإنت وأسرتك بخير

المكان مهما كان جميل نفتقد الإحساس بكل جماله إن لم يشاركنا فيه من نحب

Arabic ID said...

العزيز شريف
------------
حتى فى أحلامك ومن أجل أحلامك
تقاتل
تحياتى لك وعزيمتك

أسلوبك طبعا مش عايز أكرر هو جميل قد أيه ومجمل ومفصل فى وقت واحد

وكل عام وأنت بخير

Sherif said...

العزيز جدا عدى النهار

معك حق .. هذا طول ماهو معاك

أطيب التمنيات بالعام الجديد

Sherif said...

الشاب الوسيم
Arabic

ليس قتالا والله .. خوف من المستور وضيق ذات اليد

كل عام وانت أطيب
ولأحلامك وأمنياتك أقرب

اجندا حمرا said...

العزيز شريف

دايما بتسعدنا بقراءه ذكرياتك الجميله

ربنا يجعل كل ايامك سعاده ياشريف و كل سنه و انت طيب و بخير ياجميل

Miss Egyptiana "Trapped Soul" said...

يتحدث الجميع عن الحلم
ينبهر الجميع بالارادة والاصرار
واقول لهم

انه اب
هكذا وبمنتهى البساطة
الاب=الحلم، تأمين الابناء، الاصرار، العمل المتواصل، انكار الذات

تذكرنى بابى
ولم تذكرنى وقد اعتبرتنى ابنتك
فانت اذن ابى
----------------------

على جناح حكاياتك واحلامك اطير
تلهمنى قصصك بان كل شئ ممكن
مهما قال الاخرين انه صعب
حتى الصعب يتحقق
----------------------

اهتمامك بزيارة ديزنى لاند واستوديوهات يونيفرسال ... ان دل على شئ فهو انك مثلى

حالم

تحياتى وكل عام وانت بخير

Sherif said...

Egyptianna الغالية

I'm probably your God Father .. in fact I've appointed myself to this valuable title ..

أنت بالنسبة لى هكذا .. ابنتى الروحية

هل لهذا أسباب ؟
كثيرة جدا جدا .. وانت تعرفيها أكثر منى

----------------------------------
مااستجد الآن هو انك تتحدثين على لسانى وهذا مما يزيد من سعادتى .. فلى ابنة الآن تجاوب عن ابيها لانها تقرأ جيدا كل مشاعره دون أن يقولها

أشكر لك زيارتك التى اتوق اليها كثيرا

كل سنة وانت وبابا وماماوالجميع بخير

Sherif said...

المتجددة دائما أجندا

يسعدنى مرورك دائما

أعاد الله عليك الأيام وانت أسعد حالا .. وأوفر مالا .. وأكثر تألقا وجمالا ..

klmat said...

كل سنه وحضرتك واسرتك بخير
وربنا يديم المحبه مافيش اجمل
من التعب من اجل راحه اولادنا
ومش بيكون تعب بيكون رحله
جميله فيها كفاح بس لذيذ
ربنا بفرحك ببناتك وتبقى احلى جدو
ومامتهم اجمل تيتا
وازواجهم يكونوا صالحين وزى اولادك
متعك الله لاصحه والعافيه والهنا
كما تمتعنا بتدويناتك
الجميله التى تشع جب وامل
وافر تحياتى واحتراماتى

ra7eel said...

مازلت مستمتعه جدا
بذكريات الجميله

ربنا يخليلك بناتك ويخليك ليهم

مهما كانت الايام صعبه بتعدى اكيد
المهم انك بتكون سعيد لما بتعمل حاجه تفرحهم
خالص تحياتى وتقديرى

Sherif said...

klmat العزيزة جدا

من فضلك .. من غير حضرتك

أنا يا سيدتى ابسط من البساطة وعندما ينادينى احد باسمى احس بانه
قريب الى قلبى ووجدانى

فابقى كذلك

كل عام وانت والاسرة بكل خير وسعادة

Sherif said...

ra7eel

لازال كرمك أكثر مما استحق

أشكر لك مرورك ..الذى يجدد سعادتى فى كل مرة

أطيب التمنيات بعام سعيد .. ميلادى .. وهجرى