Wednesday, January 16, 2008

انت مش باباك ظابط ؟ -
ايوه -
وعنده مسدس ؟ -
طبعا -
هنا ولا فى الشغل ؟ -
هنا فى البيت .. وعنده واحد تانى فى الشغل -
مش معقول .. -
ليه ؟ -
طب ممكن اشوفه ؟ -
.. -
مش عارف مكانه ؟ -
عارف طبعا .. فى الشيفونيرة .. -
طب وريهولى .. -

كان هذا الحوار البرئ يجرى فى أحد مراكز الصعيد الصغيرة .. بنى مزار .. بين أول المدرسة الاعدادية .. وبهاء الثانى على المدرسة .. فهكذا نصيحة والدته .. ذاكر مع اللى أشطر منك ..

لكنه فضول صبيان يافعة فى الثانية عشرة من عمرهما .. الاول والده نائب مأمور المركز.. والثانى والده مهندس الاصلاح الزراعى بالمدينة .. غير انه شئ مثير ان ترى مسدسا بحق وحقيق .. وليس كما تسمع عنه أو تراه فى الصحف والافلام
وفعلا ..
قمت الى الشيفونيرة وأخرجت المسدس .. كان السؤال التالى
ازاى بتحط الرصاص ؟ .. -
(كده .. ( وكما كنت ارى والدى اكثر من مرة .. وضعت الخزانة معمرة فى كعب المسدس -
هو كده جاهز ؟ -
باستخفاف) .. لأ طبعا .. لازم تشد الأجزاء .. كده ) -
آه .. -
شفت ياسيدى ؟ -
أمممم -
نزعت الخزانة مرة ثانية .. واعدتها الى مكانها فى الشيفونيرة بعناية تامة ..
.. !! لكننى نسيت ان هناك طلقة أخيرة معدة للإطلاق داخل الماسورة
كان المسدس لايزال ملقى على السرير بغرفة النوم .. يجلس بجانبه بهاء .. وانا واقف بجانب الشيفونيرة ..
فجأة انطلقت رصاصة .. فارتبكت .. أى صوت كان كفيلا بجمع الجنود وخفر الحراسة فى هذا البلد الساكن .. لم ادر ماذا افعل .. غير أن اصيح فى وجهه .. روّح دلوقت .. ياللا امشى
خرج مسرعا يهبط من الدور الرابع الى باب العمارة الى الشارع فى لمح البصر .. اما انا ففتحت الشباك لتخرج رائحة البارود .. وأعدت المسدس كما كان بنفس الوضع
كانت الاسرة كلها فى السينما مع عمتى فى تلك الليلة .. وقبل عودتهم كنت تسللت الى سريرى .. ونمت .. أو حاولت النوم ..
وفى منتصف الليل .. لاادرى أى وقت .. افقت على والدى يوقظنى ..
شريف .. انت لعبت بالمسدس ؟ -
مسدس ؟ .. لأ .. -
طب نام دلوقت .. -

والدى قضى طيلة عمره فى المباحث .. وهو آخر من يعود الى المنزل بعد ان ينام الجميع .. وحينما عاد فى تلك الليلة .. وفتح الباب .. لاحظ كعب طلقة حية بجوار الباب .. وتوجس شرا .. فقلب الحجرات بحثا وتنقيبا .. حتى عثر على المقذوف مغروسا فى الاطار الخشبى لنافذة حجرة النوم .. وتوقع اننى قد أكون قد عبثت بالمسدس فى غيابه .. مع ان هذه المنطقة محظور الاقتراب منها .. ومما أكد شكه أننى كنت الوحيد الذى لم أذهب مع اخوتى الى السينما وفضلت البقاء للمذاكرة

فى الصباح .. لم أجد بدا من الاعتراف بكل شئ .. فليس من السهل المراوغة مع هذا النوع من الآباء الذين هذه طبيعة اعمالهم ..
لاادرى مالذى دار بينه وبين ناظر المدرسة حينذاك .. لكن ماحدث اننا نلنا علقة ساخنة بالخرزانة أنا وبهاء فى فسحة الغذاء .. أمام كل التلاميذ
!! .. تخيل أول المدرسة .. والثانى فى هذا الوضع ..
مازلت اتذكر اننى ظللت لمدة شهر لااتحدث لوالدى .. فقد عزّت على نفسى بعد هذا الموقف .. واحسست بأن كرامتى جرحت كثيرا .. ولم أدر كيف أنظر فى عيون زملائى بعدما كنت أسير كالطاووس بينهم

وهناك .. بعد سنوات طويلة وقد اصبحت ضابطا انا الآخر .. وفى احدى جلسات السمر الرائعة التى كانت تجمع بينى وبين والدى
يابابا ماينفعش المسدس يبقى قدام ولد صغير عنده اتناشر سنة .. -
ماهو طول عمره قدامك .. -
أيوه .. بس فين فضول ابنك بقى اللى نايم صاحى شايف باباه قدامه عمال يمسك المسدس ويعمّره .. ونفسه يبقى ضابط زيه .. ابن الضابط عايز يبقى ضابط .. وابن المهندس عايز يبقى زى أبوه .. وابن الدكتور كذلك
وإيه الغريب فى كده ؟ -
!! .. الغريب انه لازم يورى زملائه انه مختلف .. واحد يورى السماعة .. وواحد يورى لوحة الرسم .. وواحد يورى المسدس
وكنت عايزنى اعدى الموضوع ده وانت تروح فيها ؟ -
.. لأ .. كان لازم ماشوفش المسدس خالص -

فى ثانية .. مع السلامة

22 comments:

carol 2002 said...

بالرغم من شدة أعصابى عند قراءة هذا الموضوع , إلا إننى معجبه بعزت نفسك
و موقفك بعد ان نلت ما تستحقه من عقاب (فرحانه فيك) بجد
علشان شقاوتك هذه
:P

عزت نفسك و تمسكك بمكانتك بين زملائك
و انت الأول عليهم و شعورك بهذه الحالة
فى مثل سنك الصغير وقتها

هذا شىء مميز حقيقى
أجد أن معظم الأطفال بعد أن ينالوا عقابهم نتيجة إرتكابهم لخطأِ ما

يتجاهلوا كل شىء بعده
و يستمرون كما لو لم يحدث شيئا من قبل

لكن إعتزازك بنفسك و كرامتك
هذا يدل على أن بداخلك شخصيه
مميزة و جديرة بالإحترام منذ الصغر

كل هذا لا يمنع من أن ألومك
و أن أقف فى صف والدك

الطفل الأول على زملائه
و صاحب تلك الشخصيه المعتزة بكرامتها بهذا الشكل
لا بد أن يكون لديه قدرة عقليه أعلى من زملائه قليلا
أى يعى خطورة هذا الموقف
و يقدرة

مش يعاتب والده
;)

كنت عاوز أعرف رد فعله وقت عتابك له
:D

ولكن نشكر ربنا .. حصل خير
كنت أود أن أقول لك وقتها جمله واحدة

تعيش و تاخد غيرها
:P ;)

أشكرك على ذكرياتك
التى تمتعنا بها دائما
و تشد أعصبنا بها أحيانا
;)

كل التقدير و الأحترام
:)

Sherif said...

Carol الرقيقة

لاعتبارات أمن وسلامة كثيرة .. لابد ان نأخذ احتياطات كاملة

كأن يكون فتح علبة الدواء صعبا على الصغار عمدا سواء كانوا يدركون أم لأ اذ لايجب ان نعتمد على هذا اطلاقا

لو تذكرى زمان كان ممكن لطفل ان يضع اصبعه فى فيشة الكهرباء .. دلوقت مستحيل

وكل التصميمات الحديثة هى
Human Error Proof

على فكرة بابا قال كلمة واحدة

كان لازم اعاقبك بنفسى
مش قدام الناس

أشكرك لمرورك

ra7eel said...

فعلا العقاب كان صعب قوى
بس برده موضوع ان الواحد يجرب مسدس ده مش لعبه
يالا معلش اكيد خدت درس من التجربه دى
ومازلت مستمتعه بذكرياتك
من غير حضرتك_
تحيااااتى وتقديرى

karim said...

اعتقد ان الفضول وحب الاستطلاع من شيم شخصيتك الرائعة التى تكون مفيدة فى معظم الاوقات بالاستخدام المتقن. كم كنت اتمنى ان يكون معنا الان لقد افتقدتة كثيرا جدا بعد و فاتة

Sherif said...

ra7eel

اشكرك لمرورك

واشكرك جدا عشان مافيش حضرتك

Sherif said...

karim

ليس فى كل الاوقات

يسعدنى مرورك

Arabic ID said...

اللى عجبنى وانت مش عايز تقول انك كنت الأول على المدرسة
---------------

نتعلم الكثير من أخطاءنا وأخطاء أبائنا
----------------
الحمد لله الموضوع عدى على علقة والسلام
-----------------
بس أكيد صوت الرصاصة دى أعلى من طلقات المدافع اللى سمعتها بعد كده

;-D
-----------------
تحياتى ليك ودمت بعافية
الحاجات دى لازم لها كتاب

Sherif said...

الشاب الوسيم

Arabic

على فكرة .. مش دائما الواحد بيطلع الأول

هاتستعجب مثلا لو انت فاكر فى بوست انى كنت الأول فى الوصفية وكنت نايم فى المدرج

فى الحقيقة كنت الأول كمان فى الرسم الهندسى

تانى سنة على طول.. ميكانيكا كلها نجحت فى الرسم الهندسى .. ماعدا خمسة .. انا كنت واحد منهم

ماتستعجبش

دائما يسعدنى مرورك

karakib said...

اعرف قصة مشابهه
قتل فيها الابن ابوه
احمد ربنا علي انها جات علي قد كده

Sherif said...

Karakib العزيز

الحمد لله جت سليمة

شكرا لمرورك

اجندا حمرا said...

العزيز شريف

طبعا بنتعلم من اخطاءنا و بنحاول نتفادها في المستقبل الحمدلله انها جت سليمه
الا بالحق بقالك فتره مش بترسم ايه الحكايه؟

تحياتي ليك ياجميل
:)

Sherif said...

أجندا المتدفقة

تسعدينى دائما بمرورك

انا بقيت خايف آجى عندك من ساعة الابرة اللى فى كرسى السينما

ربنا يجيب العواقب سليمة

سهر الليالى said...

بصراحه اتخضيت فى الأول لانى افتكرت ان لازم هلاقى مصيبه حصلت من المسدس بس الحمد لله ربنا ستر

بس بجد موقف والدك وموقفك منه فى كتييييييييييير اوى من المعانى والحاجات الجميلةاللى وصلتنى

حتى كلامك فى الاخر
بصراحه بحييك

تحياتى

Sherif said...

العزيزة سهر الليالى

تعجبنى ارائك وحتى نقدك

دائما زيارتك جميلة

blackcairorose said...

موضوع المسدسات ده لسه كنت بتكلم فيه بعد ما قرأت حادثة جديدة الاسبوع الماضى فى منطقة مساكن شيراتون فى القاهرة والتى انتهت بموت صديق الابن

يجب على الاباء ان يكونوا فى منتهى الحذر فى موضوع الاسلحة فالامر اصبح شبه دورى ان نرى حوادث لعب الابناء بمسدسات الاب وتنتهى فى كثير من الاحيان بماساة

وفى الحقيقة باحمل الاب المسئولية كاملة، انا والدى كان لديه مسدس وعمرنا ما عرفنا حتى اين يضعه او كان مسموح لنا حتى بلمسه،

اى نعم الاغلبية العظمى فى بيتنا كانت بنات فلم يكن موضوع المسدسات له بريق، ولكن هذا الموضوع لم يكن فيه أساس نقاش بالنسبة لبابا حتى فى حالة وجود اى اهتمام برؤية المسدس

الحمد لله ان الامر انتهى على خير

Sherif said...

Blackcairorose العزيزة

انا مع رأيك تماما .. هناك امور لاتقبل الهزار من الاصل

اسعدنى مرورك

Miss Egyptiana "Trapped Soul" said...

يبدوا ان والدك كان رجل يحب العدل ومعندوش خيلر وفقوس ... الى يغلط يتعاقب

والعقاب على قدر الخطأ
وكان ذلك خطأ فادحا... كان من الممكن ان يودى بحياة ايا منكما
------------------------

اقدر وجهة نظرك فى انه لم يكن من المفترض ان تعرف مكان المسدس ، واعتقد ان والك كان عقابه فعلتك والتى جعلته يقضى ليلة سوداء فى التفكير فى ما كان ممكن ان يحدث لولا ستر ربنا
-------------------------

i just noticed you are an aquarian
i know aquarians are alike in personality ... but the first time to know they are alike even in life events :D:D my warmest regards

ps: you know how strong is the aquarian woman ????

Sherif said...

Egyptianna الرقيقة

عندك حق فى ان كان خطأ لابد له من عقاب .. وسرنى طبعا انك مع رأيى فى انه من الأفضل تجنب موقف يؤدى الى خطأ

My young lady, I really can not perceive how strong an aquarian woman is ..

Do you mind telling me? Thanks

Miss Egyptiana "Trapped Soul" said...

an aquarian woman carries the strength of two strong life elements ... Water and Air

wind and waves
rule the moon and faraway stars

she can be as soft as the silent waves of calm seas, and spring breezes... or as devastating as angry oceans and cruel winds

she is strong with all the meanings of the word... moreover the aquarius is a masculin zodiac ... that is why she is blessed by the femininity of women, and hardness of men

that is how aquarian women can explain their strength ... o! dear god father!

شموسة said...

و أنا في اعدادي (أيام رجل المستحيل و الحاجات دي) كان نفسي جداً في مسدس.. دلوقت مش عايزة أشوف مسدسات أصلاً.. لما كنت بأشتغل قريب من سفارة انجلترا، كنت باستنى على جنب لو لقيت عسكري الحراسة بينظف الرشاش.. احسن تطلع طلقة طايشة و أموت فطيس

Sherif said...

Dear Egyptianna,

In this way, nothing is left to an aquarian man ..

Unless he owns a feminine zodiac ..which I think true !!

Sherif said...

شموشة

أولا شرفتينى بزيارتك ..خاصة وانا مقدر تماما انك مشغولة

المسدس مش مخيف للدرجة دى ..احيانا بيوحى بالقوة والحماية..فنيا الصورة المصاحبة مضيئة جدا ..قهى أميل للخير


اشكرك لمرورك