Tuesday, July 1, 2008

أنا هاحتاج ال سى فى بتاعك .. ياريت تبعتيه عالميل عندى .. -
حاضر .. وايه تانى .. -
طبعا مبدئياً .. وقبل مانتكلم فى أى حاجة .. عايز أعرف أنت بتاخدى -
كام حالياً ؟
جروس ولا نت ؟ -
لأ .. نت .. كل الباكيج .. -
حوالى " ... " إلا كسور .. -
أنت عارفة إن المنصب ده محتاج لطريقة تفكير مختلفة ومتجددة .. -
وأكيد مش هايكون محدود بمتطلبات وظيفية معينة .. عايز فكر مفتوح ..
أنا متوقعة كده .. -
بالتالى يلزم إنك تتبينى ازاى احنا بنفكر أولاً .. بعدين هانتكلم فى ايه اللى ممكن -
تساهمى بيه بقدراتك وخبرتك .. وازاى نقدر نتعاون فى تحقيق اللى بنفكر فيه ..
أنا كلى استعداد طبعا .. على فكرة .. فيه فرصة أوضح ازاى قدرنا ننجح فى تطوير مشاريع كتيرة -
.. وكل الايجابيات والسلبيات واجهناها .. صحيح يمكن الموضوع يبدو غير ذى صلة الى حدّ ما ..
لأ .. فى الادارة الحديثة يلزمك أنك تعرف ازاى المدير المرشح بيفكر .. وازاى بيخطط .. وبيضع اللى -
بيخططه فى حيز التنفيذ .. بعدين طريقته فى انه يحط ايده على نقاط كانت محتاجة اهتمام اكبر .. ويطور وهكذا
عشان كده أنا كنت عايزة أعرض على حضرتك أحد النتائج الفعلية فى أرض الواقع -
.. بيتهيألى كده يبقى دليل عملى
طبعا فكرة جميلة جداً .. أنا مش باحب أكون تقليدى .. ودى فرصة أقدر أشوف نتائج .. -
أحسن ما أسمع أو اشوف على ورق
بالمناسبة .. فيه بكرة ايفينت .. ممكن يكون مناسب .. نقدر نتقابل هناك .. ونتكلم .. -
فين ؟ -
Le Passage فى موفنبيك المطار .. اسمه دلوقت .. -
هو بكرة السابعة سابعة ونصف ..
مافيش أى مانع .. أنا هاجيب لك برضه آخر ريبورت عملناه .. هو صغير .. بس لما تقريه -
.. هاتفهمى حاجات كتير .. بعد كده هانتكلم ممكن نعمل ايه ..
تحت أمرك .. -
هو الايفينت ده .. عبارة عن إيه ؟ -
دى فيليه .. عرض أزياء .. -
... -

دار هذا الحديث فى معرض البحث عن مديرة بالموارد البشرية بعد أستقالة المديرة السابقة .. وطبيعى أن مثل تلك المقابلات تأخذ مراحل تختلف كثيرا عن تعيين وتوظيف درجات ومناصب أخرى

وهى فى النهاية محاولة للنفاذ الى أعماق وقدرات المدير المرشح .. وخبراته وانجازاته السابقة .. ومدى ملائمتها للظروف والأوضاع الحالية للشركة .. ومناسبة تلك القدرات مع طموحاتها المختلفة .. والقدرة على الهام مرؤوسيك وشحنهم .. بالاضافة الى .. وهذا أهم شئ .. القدرة على الابداع وخلق تحديات أخرى مستمرة

تلك الصورة هى فى الخلفية دائما وأنت تحاور وتناقش والمقارنة معقودة فى خاطرك ومستمرة فى مدى مطابقة صورة افتراضية فى خيالك بالواقع الحقيقى أمامك

كل هذا شئ جميل .. وبديع .. مثله كمثل أى مقابلات تمت قبل ذلك .. إذن ماغريب فى هذا ؟
!! .. الغريب أن هذه أول مرة أعمل فيها مقابلة فى عرض أزياء

لكننى ذهبت فى الموعد .. وهو قبل البرنامج بنحو ساعة الا ربع .. وبدأ الحوار على النحو الذى توقعته وفهمت منه الكثير .. مرورا على الميزانيات المتاحة وطريقة ادارتها .. وأمامنا بعد قليل مثال حىّ على النتائج .. فالمشروع هو نشاط مؤسسى ومركز لتأهيل مصممى الأزياء لمن يرغب ولديه موهبة الرسم .. وعلى مدى عام يتم تأهيل الخريج بدبلوم متخصص فى تصميم الأزياء تحت أشراف أحد بيوت
CAD الخبرة الايطالى وترأسه مديرة محترفة من هناك أيضا .. وهكذا من عمل الباترون باستخدام ال
الى أختيار الألوان والتنفيذ

الأجمل أن التصميمات الفائزة يتم تبنيها فى حضانات .. وهذه ليست حضانات أطفال .. لكنها حضانات لإنشاء نواة لمشروع .. وتجربته وتنفيذه ونشره تجاريا حتى يقف على قدميه ثم يتابعه صاحب التصميم بعد ذلك

على الجانب الشخصى .. فهذه أول مرة أحضر دى فيليه .. فقط كنت آراه فى الأفلام مثل "الشيطان يرتدى برادا" أو البرامج مثل "فاشون تى فى" بالفضائيات .. لكن المؤكد أننى كان لايمكن أن أسعى إليه بأى حال .. غير أنه موضوع يستهوى النساء أكثر من الرجال

وهكذا وجدتنى بلا مقدمات وسط هذا العالم الغريب .. والرائع فى نفس الوقت .. خمسة وأربعون تصميماً مختلفاً .. على أحدث وأرقى التصميمات العالمية .. هن بنات مصر أيضاً .. مع أثنتين أو ثلاث أجنبيات

كذلك فالتصميمات معظمها قصير جداً .. والظهر مفتوح .. لكن الألوان غريبة فى جمالها وتناغمها

الحاضرون هم من رجال الأعمال واصحاب المصانع الكبرى للملابس والمنسوجات فهذا ملعبهم .. وكل السيدات والبنات المهووسات بالازياء الحديثة .. الى جانب كل من لها طموح فى أن تتحول الى عارضة أزياء .. أو مصممة وهكذا

كل البنات فى منتهى السعادة ويعتبرن أن هذا المنتدى هو أحلى مكان يقدم آخر خطوط الموضة .. وآخر صيحة فى عالم الازياء مع مالهذا المجتمع من احساس متفرد بأنه مجتمع الاناقة والشياكة .. فهو مجتمع مكتمل المعالم من الازياء والماكياج والاتيكيت و .. و

كذلك كان الرجال والشباب طبعاً فى منتهى السرور والحبور .. ولايتمنوا أبداً أن ينتهى هذا العرض الشيق من الحسناوات بكل هذه النضارة والحيوية .. فهذا غير متوفر بالشارع أو الحياة العامة .. كذلك فالجو جميل فى حديقة الفندق .. وفى ليلة صيفية أمطرت قليلا .. والموسيقى فى كل الأرجاء
كان كل شئ رائعا يبعث على البهجة

تلى العرض تصفية الاربعة عشر مركزا الأولى .. ثم منحت جوائز الحضانات للثلاثة الأولى .. مع شهادات التقدير
الأزياء نفسها راقية ولاتقل روعة عما نراه على الشاشات العالمية .. تنتظر فرصة لتشق طريقها .. من هنا كان المشروع وادارته ناجحة

المذهل أن الذين قاموا بتصميم أجمل الأزياء .. والتى كانت على روعتها كقرص الجبن الرومى .. به من الثقوب أكثر مما به من الجبن
!! .. بمعنى أنها لاتخفى بقدر ماتظهر مفاتن حواء .. كانوا محجبات
وتسائلت فى نفسى .. ألا يعنى ذلك شيئاً .. و ساورنى سؤال .. ماذا تريد حواء بالضبط ؟

هذا غير أن هؤلاء المصممات كانوا فى نظرى أأنق ماوقعت عليه عيناى من مرتديى الحجاب .. طبعاً .. شغل المعلّم لنفسه .. وأقول الحق .. أعجبتنى جداً أذواقهم .. وتصميمهم لملابسهم الشخصية .. والألوان المستحيلة التى تداخلت فى تناسق بديع .. وقلت .. هكذا يجب أن يكون الحجاب .. ربما فى رأيى من وجهة نظر فنية بحتة ..

ايه رأى حضرتك ؟ -
جميلة جدا جدا .. -
هى ايه ؟ -
الفساتين .. خطيرة .. -
!! .. أنا باتكلم عالمشروع -

دى فيليه .. وانترفيو بالمرة ..

47 comments:

قلب ينبض لله said...

عالم الأزياء دا عالم مجنون بتتشدله النساء جدا رغم ان معظم مصممين الأزياء رجال

ايه رأى حضرتك ؟ -
جميلة جدا جدا .. -
هى ايه ؟ -
الفساتين .. خطيرة .. -
!! .. أنا باتكلم عالمشروع

:)
واضح جدا ان حضرتك كنت رايح تعمل انترفيوا:D

صباح الخير يا مصر said...

Sherif
*******
منصب مدير او مديرة الموارد البشرية ده منصب مهم جدا للشركات الكبرى...فله تأثيره الكبير و الهام لانجاح و دفع العمل ووضع الشخص المناسب فى المكان المناسب و اكتشاف الطاقات المبدعه و تطويرها و الكثير من الاشياء التى تجعل من هذا المنصب منصب مهم للغايه
وطبعا من الواضح الفكر المتفتح للمديره المرشحه و التى استطاعت ان تجعل الانترفيو امام - الكات ووك- وده منتهى الذكاء و الحيويه فى العمل
اكيد فازت بالمنصب؟!!1

تحياتى

نعكشة said...

انا افتكرتها قصة في الاول

و بعدين اكتشفت انها مش قصة
وانها مقاله عن واحد بيقدم لإنترفيو تنمية بشرية
وبعدين فهمت انو حضرتك

إن شاء الله لو فيها خير ليك هتجيلك و لو فيها شر ربنا يبعدك عنها

أنا بس عندي سؤال فضولي

جروس ولا نت ؟ -
لأ .. نت .. كل الباكيج .. -

مين دول اللي فوق
بيعبروا عن إية

؟؟؟؟

............

صحيح صحيح صحيح استحوذتني هذة الجملة
هيا جملة طويلة شوية بس المهم


فالمشروع هو نشاط مؤسسى ومركز لتأهيل مصممى الأزياء لمن يرغب ولديه موهبة الرسم .. وعلى مدى عام يتم تأهيل الخريج بدبلوم متخصص فى تصميم الأزياء تحت أشراف أحد بيوت الخبرة الايطالىCAD وترأسه مديرة محترفة من هناك أيضا .. وهكذا من عمل الباترون باستخدام الالى أختيار الألوان والتنفيذ
الأجمل أن التصميمات الفائزة يتم تبنيها فى حضانات .. وهذه ليست حضانات أطفال .. لكنها حضانات لإنشاء نواة لمشروع .. وتجربته وتنفيذه ونشره تجاريا حتى يقف على قدميه ثم يتابعه صاحب التصميم بعد ذلك



يعني أنا ينفع أقدم ؟؟؟

هوه فين وليه ومين و إزاي
أنا بعرف اصمصم بس مليش في الباترونات ولا نوع القماش

بس بصمم و خلاص

و بعدين عندي مشاغل تانية غير التصميم اكيد ألا و هي دراستي
فهيقبلوا بكدة ؟؟؟؟

لو تعرف أي حاجة فيدني ربنا يخليك


تمنياتي لك بكل ما هو جيد

دمت سالم

سلامون عليك

خمسة فضفضة said...

السلام عليكم ورحمة الله وبركاته

استاذ شريف
ازي حضرتك اخبارك ايه عسي ان تكون بخير وفي اتم صحه

زي حضرتك برضو بيلفت نظري ان معظم الستات مصممات الازياء العرب بيكونوا محجبات وباستعجب والله من كم التناقض اللي حاصل وازاي تبقي واحده محجبه تصمم ازياء فيها كمية العري والاثاره دي
باحسه نوع من الازدواجيه وبيتهيالي انه كان نفسهم يبقوا كده ويلبسوا كده
واعتقد يعني ان تصمم هكذا اشياء في حد ذاتهه مش حرام لو ان الواحده هاتلبسها داخل بيتها ومش هايطلع عليها الا المحارم بس انها تتعرض كده علي الملأ..........!!!!!!!!!!!!!!!!!
بتحسسني ان المرأه في الوقت ده بتبقي عامله زي السلعه اللي الكل رايح يتفرج عليها وزي المثل ما بيقول " اللي مايشتري يتفرج " خصوصا لما يكونوا شباب همهم الاول والاخير انهم يشوفوا الاماكن المكشوفه اكتر من المتغطيه


اما موضوع الموارد البشريه فازي ماقال صباح الخير يامصر فعلا بقي منصب مهم جدا جدا لاكتشاف المواهب والقدرات الدفينه وتوجيهها صح في مكانها المظبوط
اللي اعرفه انهم ماشاء الله من غير قر يعني بياخدوا مرتبات خرافيه
ربنا يباركلهم فيها
:))))))))))))))

سلام

سمراء said...

شريف
تخصصي الاصلي قبل العمل مع الاعاقة كان تصميم الازياء
انا مصممة ازياء
وده فن تطبيقي يعني الالوان والتشكيلات وايقاعهم لازم يكون مناسب ان احدهم يرتديه ودة اللي حصل مع المحجبات وكمان ازاي المصمم يداري غيوب الجسم ( كتف قصير - ايدي طوبلة زيادة او نقصان في الوزن ...........الخ
فكرتني بالذي مضي
سمراء

HafSSa said...

طيب مبدئا كده الاقي عندك شغلانة لو سمحت؟؟
:D

بالنسبة لموضوع الحجاب فاعتقد ان الحجاب لو المفروض يتلبس صح يبقى مش لازم يكون مبهرج او ملفت للنظر
بس للاسف انا ملاحظة ان البنات بيلبسوه لكن بيتحايلوه عليه و يقلبوه خالص
طيب ما يقلعوه احسن
مش كده و لا ايه؟؟
و مش معنى كده انهم يقلبوها سواد اعظم و يخضوا اللي ماشيين معاهم في الشارع يعني
بس يا نلتزم صح بحاجة يا منلتزمش
لكن التاحايل ده مش كويس

بس طريقة عرض الموظفة لقدراتها بشكل عملي كده مبتكرة اوي و انا لو مكانك اعينها فورا


تحياتي

appy said...

بما انى من محبى الديفليهات والجو بتاعها الحمد لله هههههههههه
اكتر حاجه بتزعجنى بجد موضوع الحجاب اللى مش لايق مع بعضه خالص او الاقى واحده لابسه حجاب وبنطلون ضيق او بادى طيب ايه يا ستى نسيتى تروحى الكوافير ولا قرعه معلش يعنى
المفروض المحجبه تبقى شيك ولابسه بما يتناسب مع الحجاب مش تغطيه شعر وبس

عدى النهار said...

إختيار موظف عادي بيكون صعب شوية أحياناً وممكن يحصل فيه غش من المتقدم للوظيفة. مؤكد بيكون الحال أصعب فى حالة البحث عن مدير شاطر أو على الأقل واحد مايبوظش الدنيا

كاميليا said...

ايه رأى حضرتك ؟ -
جميلة جدا جدا .. -
هى ايه ؟ -
الفساتين .. خطيرة .. -
أنا باتكلم عالمشروع -
........

ههههههههه

ههههههه



.........
هذا غير أن هؤلاء المصممات كانوا فى نظرى أأنق ماوقعت عليه عيناى من مرتديى الحجاب .. طبعاً .. شغل المعلّم لنفسه .. وأقول الحق .. أعجبتنى جداً أذواقهم .. وتصميمهم لملابسهم الشخصية .. والألوان المستحيلة التى تداخلت فى تناسق بديع .. وقلت .. هكذا يجب أن يكون الحجاب .. ربما فى رأيى من وجهة نظر فنية بحتة
......

ياريت فعلا
يقمن بتصميمات للمحجبات
للملابس وايضا الحجاب والألوان
على أن يحتفظ الزى بالبساطة والهدوء
بشكل لا يلفت النظر ولكن يكون مريح للعين


بوست جميل كعادتك

عجبتنى اوى >> شُغل المعلم لنفسه


دمت بكل الخير

Sherif said...

قلب ينبض لله

لم استطع ان اقاوم جمال وروعة هذا الوسط الغريب .. واللذيذ فى الوقت نفسه

Sherif said...

صباح الخير يامصر

بالفعل كانت من أذكى المرشحات التى تقدمت الينا

اختيارها لشئ ممكن يبدو بعيدا يدل على مرونة عالية فى تخطيط وادارة المشروعات .. ربما كان هذا مانحتاج اليه الآن فى كل النواحى .. مدير مملوء حماسا .. وسرعة ربط افكار بالوقع .. والسيطرة عليه أيضا

Sherif said...

نعكشة

فى الواقع أننى كنت أنا الذى أقوم بالاختيار والمتقدمة هى لوظيفة مديرة تخطيط وتطوير

الجروس هو ماتتقاضاه قبل أى استقطاعات

والنت هو ماتأخذه فى جيبك فعلا

وكل البكيج هو ناتأخذه بالاضافة لأى مميزات أو بدلات أخرى

لو عندك موهبة الرسم يمكننى مساعدتك بالتأكيد

Sherif said...

خمسة فضفضة

أهلا بك .. بعد غيبة .. مع أنى باروح والله

مسألة التصميمات وانها مكشوفة شوية .. لى فيها وجهة نظر .. ربما تخالف رأيك قليلا .. فأنا فى نظرى المرأة ليست سلعة ولايمكن النظر اليها كذلك .. المؤكد ان الله حباها جمالا اكثر من الرجل .. من حقها أن تبينه .. ربما بلا افراط .. وباحترام أيضا .. المعادلة المعقولة لم نصل اليها بشكل يتفق عليه الجميع .. وربما فى تقديرى كان هذا هو نوع من التنفيس بشكل لامباشر .. لأن الخوف هو الذى يحكم المسألة .. المهم انه لااحد ينكر ان المرأة الانيقة هى دائما جميلة .. سواؤ بالحجاب .. أو بدون

فعلا الموارد البشرية هى من اخطر المراكز فى وقتنا .. فقط اذا فهمناها بعيدا عن شغل شئون الموظفين .. فارق كبير جدا جدا ..يحتاج لاعداد من نوع خاص

Sherif said...

سمراء

اين انت من زمن؟ .. عارف ..فى لبنان .. عودة سعيدة وزيارة موفقة

جميل ان تكونى فنانة من نوع خاص .. هو من أغلى الفنون فى السوق اليوم

وهل تركتى هذا المجال مؤقتا .. أم بصفة نهائية ؟

Sherif said...

حفصة

أهلا بيكى طبعا .. بس مش فى الازياء أكيد

موضوع الحجاب سيظل مجال جدل واسع .. لأننا تركنا كل شئ مهم وتفرغنا لمشاجرة لالزوم لها .. هذه حرية شخصية انقسم فيها الناس الى فريقين .. فلم نرى انتصارا حقيقيا .. لكننا رأينا تخلفا بين الأمم شرقا وغربا .. كان الأولى ان نركز فيما يفيدنا فنؤكل انفسنا .. ونصنع ملابسنا ودوائنا .. كذلك نعود لفنوننا التى تخلق شخصيتنا وتثرى الخيال والابداع

دع كل انسان فى حاله .. يفعل مايحقق لنفسه ذلك السلام الجميل ويعيش حياته بكل حرية

الله فقط هو من يملك الحساب .. وهو العليم بذات الصدور ..

بالفعل اختيار ذكى منها .. وربما وقع عليها الاختيار .. فهناك نماذج أخرى رائعة ..

يسعدنى حضورك دائما

Sherif said...

appy

ربما لاأرغب فى الحديث فى هذا الشأن .. لانه جدل اكثر منه فهم

يعنى مثلا لو وقفنا عند اية الخمار فى سورةالنور فى شأن من يسمح للمرأة أن تبدى زينتها ستجدى الرجال غير ذوى الإربة .. وهم ليسوا محارم بالتأكيد .. فما هو تعريفهم؟ وكيف نتأكد من ذلك

أيضا كانت النساء فى العصر القديم يخبزن الخبز .. ولايزال ذلك قائما فى اماكن عدة حتى الآن .. الا تشمر السيدة عن ساعديها حتى تستطيع ذلك ؟ تماما كما كانت تفعل الفلاحات

هذا فى بيوت مفتوحة لم يكن فيها الباب قد تم اختراعه

أشياء كثيرة تحتاج الى دراسة متأنية توائم عصرنا حتى نعيش جميعا فى سلام ..

فانا لا اظن اننا بشكلنا الحالى حافظنا على ان نكون خير أمة .. وانظرى أين نحن ؟

Sherif said...

عدى النهار

لك وحشة كبيرة .. وانا مدرك مشغوليات البعض منا طبعا ..

اختيار مدير كما تقول هو أخطر بكثير من اختيار موظف صغير .. لأنه هو الذى يستطيع ان يخلق منه شيئا كبيرا .. وهو ايضا الذى يمكنه ان يبقيه قزما لايكبر ابدا .. اذا اخافه .. ومنعه من الانطلاق والتطور

هذه بالضبط الشخصية التى كنا نبحث عنها

رحــــيـل said...

انا اللى مستغرباله بجد
انهم مصصمات الازياء الى بشكل ده محجبات؟

تناقض غريب جدا جدا

تحياتى وتقديرى لك

Sherif said...

كامى

لفت نظرى بالفعل جمال حجاب المصممات

لانى ببساطة ارسم .. يعنى اتذوق الى حد ما

كما لااخفيكى ان شكل الحجاب الذى ترتديه معظم النساء فى أغلب الاحوال ليس جميلا .. ولاجذابا .. هو مجرد شئ ملفوف على الرأس بغير عناية وكثيرا ماهو مكرمش

من هنا لفت نظرى أن المصممات ابدعن فى ذلك واعتقد بشكل مقصود

باختصار .. الشئ الجميل .. هو جميل .. وغير ذلك .. يفصح عن نفسه


اهلا بك دائما

Sherif said...

رحيل

لست أقل منك دهشة .. لكن الا يعنى ذلك شيئا؟

appy said...

نظرت يا شريف وعارفه
وعلى راى استاذ عزيز عليا احنا كتر عندنا مظاهر الاسلام وقلت اخلاقه

بنت القمر said...

شريف
=========
اعجبني هروبك من الجدل حول الحجاب
الذي اعتقد ان كل محجبه حاله خاصه سواء في قناعتها او اناقتها
الله جميل يحب الجمال
والغرض منه هو الاحتشام واذا تحقق الاحتشام وستر المفاتن بلون جميل فلما لا
اذا تحقق بملابس حديثه ومتابعه للموضه فلمالا
اذا تحقق الستر مع شكل طيب مهندم حذاء انيق ولون زاهي وومتابعه للموضه فلما لا
قطعه ملابس جديده او اكسسوار او قارورة عطر
قد تضفي علي النفس سعاده وبهجه كبيره وترفع من الحاله النفسيه الكثير
احب رؤيه المحجبات الشيك اللواتي يبذلن مجهودا مضاعفا عن اخريات ليواكبن الموضه ويبدون جميلات فيحاولن ارضاء الله
وارضاء النفسهن
ذلك ليس سهلا
علي فكرة سام ون اون لايف موارد بشريه برضه
وانا ليسانس اداب لو عاوزين موظفات تانيين
:)))))

Doba said...

البوست ممتع للغاية بصراحة
أديتنا آراء مميزة حول الموارد البشرية وكيفية الإنتقاء وده من خلال البوست والتعليقات وكمان تأثرك بالشكل الجميل للمرأة المحجبة وحفاظها على جمال المظهر

انا لو منهن هصمم كده برده مش علشان البنات يخروجو بيهم - لا - لأن الزوج والأقربون أولى بأن يروا المرأة دائما فى تمام الأنوثة والجمال ومن هنا يتحقق التوازن

استمتعت لللغاية بقراءة التدوينة
بالتوفيق دائما
========
لو فيه شخص عاوز يطور نفسه فى الموارد البشرية ليصل يوماً ليكون مدير لآحدى الشركات بعد خبرة ويمتلك الحماسة المطلوبة للعمل بهذه المهنة

كيف يتسنى له التطوير
أشكرك مقدما
تحياتى
هبة

Desert cat said...

انا لفت نظرى بصراحة تحديد الانترفيو وقت عرض الديفليه
يمكن كان اختبار لمدى القدرة على التركيز او التقارب بين شيئين متباعدين عن بعض دون اعطاء احدهم اهمية عن الاخر بالرغم من اختلافهم تمام الاختلاف بالفعل عقلية لا يستهان بها
بالنسبة للحجاب انت عارف موقفى كويس جدا
علشان كدا خلى الخناقات عندى وخلاص
:)
تحياتى

Sherif said...

Appy

زى ماقلتى .. مظهر فقط لاطائل من ورائه .. فنحن لانفرّط .. ولكننا نفرط فى الدين .. أين نحن من وصف الله لنا
وجعلناكم أمة وسطا" ؟"

Sherif said...

بنت القمر

حضورك ينشط العقول أولا وقبل كل شئ
ويضيف لهذه المدونة بعدا ذهنيا له مذاق خاص

أنا لاأهرب سيدتى .. لكننى أخشى أن يضايق رأيى غيرى .. وأنا لاأحب أن أفقد أصدقائى لأنهم أغلى عندى من الجدل

انا مثلك اعتقد ان كل شئ تقبله الفطرة السليمة يمثل الاسلام الحقيقى .. مع البعد عن المحفوظات لأن كلنا يعرفها جيدا ..

لخصتى كل شئ فى كلمة واحدة .. الاحتشام

ثانيا .. أهلا بك طبعا وتزداد الشركة شرفا بكما

Sherif said...

doba

أول مرة تشرفينى .. ولااخفيك اننى تمنيت أن تزورينى من زمن لانه يعجبنى رجاحة عقلك واتزانك

انا لااحسد والله

حقيقى ان كل شئ جميل مطلوب دائما فى كل مانعمل او نصنع او نرتدى

الموارد البشرية تبدأ بدراسة حديثة وهناك اكثر من دبلوما تؤسس ذلك .. ثانيا تدريب فى مكان محترف .. وهذا ليس صعبا
بعده ممارسة طبعا فى مكان جيد .. أو شركة كبيرة متنوعة الجنسيات

بعده .. ربنا يوفقك .. طبعا وانا تحت امرك فى اى مساعدة او استفسار

أهلا بك .. ويارب على طول

Sherif said...

Desert cat

المسألة ببساطة هى معرفة كيف يفكر مدير بشكل منهجى .. يحدد فيه مالديه جيدا .. ثم يخطط له بشكل واقعى .. ثم ينفذ مايقال .. ويسيطر عليه .. حتى الوصول الى الهدف .. ثم يستطيع ان يحلل ماكان يجب الانتباه اليه

هذه هى السلسلة الطبيعية فى الادارة .. ومنها ادارة أى مشروع

لايختلف فى ذلك تأهيل مصممى لأزياء .. أو انشاء المصانع

أنا أعرف رأيك جيدا لأننى أتفق معك

نورتينى من زمن

قوس قزح said...

هههههههههههههه
اكيد طبعا الفساتين اللى جميلة

طيب مش كنت تقولنا نيجى معاك و نعمل لك صابورت كمان
الموضوع كده ناقص كان محتاج كام صورة من احدث صيحات الموضة

النظام فى البيزنس كله واحد و اساسه واحد و بيفرق بس فى الخدمة اللى بيقدمها

مرة شاركت فى عمل داتا لبرنامج حسابات على الكمبيوتر و وقتها عرفت ان البرنامج ده ينفع لكل المجالات و اللى بيتغير بس هو المسميات للانترفيس بتاعه

المهم البنت اتعينت فى الوظيفة ولا لا ؟؟

Sherif said...

قوس قزح

كذلك انت تضفى طيفا غريبا على المدونة

مضبوط البيزنس له نس التوجه بغض النظر عن الموضوع

لازلنا فى دور اختبار آخرين لنعطى الفرصة للقائمة القصيرة كلها ولم ننتهى

مرحبا

مياسي said...

احيانا أستغرب من هذا التحامل على المحجبات

يعني اذا كانت المصممه محجبه فهذا لا يعني ابدا انها لا تدرك مواطن الاثاره في التصميم و تعتمدها هذه واحده

و أحيانا أحس بأن المصممه المحجبه تقع هي أيضا في فخ التعميم الذي يفرضه عليها الإعلام و المجتمع بمعنى:

محجبه = غير أنيقه+ غير متحرره
و هكذا تصير في موضع الدفاع عن نفسها فتتفن في أزياء مثيره لتنفي هذه الشبهه هذه الثانيه

و الثالثه: هذا بيزنس أولا و أخيرا و له قواعده الخاصه لا يبرر ذلك كون المصممه محجبه أم لا

و لكن فكرة أن تكون المقابله في عرض أزياء أعجبتني؛ فكره مبتكره

أتمنى أن تسنح لي الفرصه لمشاهدة أحدها يوما ما

مياسي said...

عزيزي شريف
أعرف أن الموضوع ليس عن المحجبات و لكن الشيء بالشيء يذكر
أحببت فقط أن أعرض وجهة نظري في الموضوع لأني كنت أفكر فيها منذ زمن

و لا أوافقك الرأي يا شريف؛ لأنه حتى الفن "بيزنس" بشكل أو بآخر؛ و الصوره كذلك "بيزنس" و إلا كيف تفسر أن ذوق الناس بالنهايه يحكمه ذوق ما تكرره عليهم وسائل الإعلام حتى و ان كان غايه في الرداءه؟؟

لقد تمت برمجة أدمغتنا على تقبل ما يرسل الينا بحيث صرنا لا نتقبل غيره

تحياتي

Sherif said...

العزيزة مياسى

هذه الموضوع ياسيدتى ليس عن المحجبات .. لكن عما لفت نظرى من ان المصممات من المحجبات .. وانهن كن آية فى الاناقة بالحجاب .. معنى ذلك أن كل شئ لابد ان يعبر جسر الجمال قبل الوصول الى الجانب الآخر .. لدينا نماذج كثيرة مثل خديجة بن قنة المذيعة بالجزيرة وغيرها

لكن اى حديث ماان يذكر فيه هذا الموضوع الا ونجده ياخذ هذا المنحى

المسألة بالنسبة لى تتعلق بالسؤال الازلى .. هل هذا جميل؟ فإن كان .. فبها ونعمت .. وان لم يكن .. وجب التنويه

بغض النظر عن اى جهة يقفها أى من ريقين

ثانيا .. لااوافقك فى ان ذلك بيزنس .. لان التصميم هو قرين الابداع والفن وليس مسألة أكل عيش .. والا اصبح كل واحد مصمم أزياء ..وماكنا رأينا تلك المستويات التى تضاهى التصميمات العالمية

الاختيار الذكى والغريب للمناسبة والمكان هو ما اعطى لهذه المقابلة جاذبيتها

مرحبا بك دائما

sa7arkash said...

اولا ازيك..واخبارك اية
ثانيا حلوةاوى المقابلات دى..احسنت اختيار المكان..بس ما عرفناش انتوا وصلتوا لاية...على فكرة انا التصميم دةمزااااج عندى...وكلمة شغل المعلم لنفسة كانت دايما تتقال لى لما اعمل حاجةجديدة.....هييييه دنيا

Sherif said...

سحر

تهلى علينا كالقمر .. مرة كل شهر ..

الاختيار ..لسه بنشوف وربنا يسهل .. عندنا ناس معقدين فى اختيارهم ..

بعدين فعلا تصميم الازياء ده مزاج وفن وابداع ..وانا متأكد انك تملكى منه الكثير

نورتينى

Arabic ID said...

شريف العزيز
حلوة الفكرة
انترفيو فى الديفيليه
وأكيد ده اكبر اختبار للتركيز ...;-)مش كده؟؟؟

تحياتى لك
وعذرا لغيابى

Sherif said...

الشاب الوسيم

غبت عنا كثيرا .. فمرحبا بعد غياب

وهل هناك أجمل من هذا للتركيز ؟ عشت تناقضا ياعزيزى بين طرفى نقيضين ..ولو عقلا .. كلاهما فى منتهى الأناقة

مرحبا دائما

نوره الخشن ــ آي و كفاية said...

بصراحة عمري ماتفرجت على عرض اذياء وانشكحت منه
بحس انهم بيعملو الحاجة مش عشان تتلبس والواحدة تخرج بيها
لأ عشان تخرج بيبها والناس تمشي تفطس من الضحك عليها

تحياتي واسفة عالتأخير

someone in life said...

اهلا شريف

الملبس الانيق .. الحذاء و الحقيبة المناسبة المكياج تسريحة الشعر او ربطة الحجاب كل ده عنوان امراءة الاسلام مش بهدله عاوزة اضيف بجانب المصممات المحجبات ايضا الماكيرات المحجيات بارعات الحجاب لا يحجب العقل او الفن

انتوا غيرتم المديرة القديمة لية؟

تحياتي

Sherif said...

نورا

انا كنت بالضبط زيك .. عمرى ماحسيت ان الازياء دى للبس ..

بس العرض ده يمكن لأنه فى مركز لهواة على مشارف الاحتراف كان فيه حاجات كتير جميلة

لا أسف بين الاصدقاء .. شرفتى

Sherif said...

someone in life

لنتفق أن الاناقة فوق كل شئ .. سواء حجاب أو غيره .. لأن الشئ الجميل لابد أن نرفع له القبعة

المديرة القديمة استقالت

freedom said...

انت بتقول انه المصممات للملابس كانوا محجبات؟؟
مش رح احكيلك انه غريب لكن الغريب انه ما عدنا نستغرب من اشي
انا شخصيا محجبة لكن الملابس اللي بلبسها حاليا مختلفة عن ملابس 5 سنين سابقة و اشياء ما كنت افكر حتى بارتدائها صرت ما اغيرها
ايش صار بالمبادىء؟؟
حاسة انه تعليقي بايخ و ما اله دخل
بس انا نحيفة وطويلة ممكن اكون عارضة و حياتك

Sherif said...

freedom العزيزة

طبيعى أن الأشياء مآلها الى تغيير .. ربما الى الأجمل

يظل السؤال هو .. ماهو الحد المعقول المسموح معه للمرأة أن تبرز مفاتنها دون أن يشار اليها باصبع الاتهام؟

ولماذا تتفنن المحجبات فى هذا؟ هل لأن هذه رغبة ما تسقطها على غيرها؟

مجرد سؤال برئ

Miss Egyptiana "Trapped Soul" said...

ليه تحط ايدك فى عش الدبابير يا شريف
الحجاب ده بينرفز ناس كتير
وكل واحد له رأى

اصبح من المواضيع التى تثير جدل بشكل مبالغ فيه
مع ان لو كل واحد خلاه فى هدومة وفى حالة الدنيا هتمشى
--------------------------------

ما علينا
ردا على سؤالك الذى لم يلتفت اليه احد
ماذا تريد حواء؟؟؟

حواء كائن متغير بطبعه... مثل العناصر الغير ثابته

فما تريده يعتمد على الظروف المحيطة ... والمزاج العام
والذى بالتاكيد لا يمكن ان يعرفه احد الا حواء نفسها

،فهذا ببساطة سؤال لا اجابه له
او اجابته متغيره وغير ثابته

قصه جميلة كالعادة
مع تحياتى

Sherif said...

Egyptianna الرقيقة

هذا السؤال وإن بدا بريئا الاانه يحمل بداخله الاجابة

فحواء تفعل ذلك فى غيرها .. ابنتها الصغيرة مثلا عند الخروج .. أجمل شكل للشعر .. والتزين .. كل القصير الفاتن
وفى قصتنا هذه كل ماتريد فى مانيكان .. لو كانت تكره ذلك .. ما ابدعت ولصار الأمر روتينيا باهتا لاطعم له.. أما أن يكون بهذه الروعة.. فلابد أن يعنى ذلك شيئا .. ورغبة

نورتينى

زمان الوصل said...

وااااااااااو
شكرا جزيلا على إرشادى لهذا البوست الجميل يبدو أنّى سأكون لاجئه فى مدوّنتك :) موضوع جميل جدّا

أنا بقيت أقتنع أن الأمور التى تتعلّق بعالم المرأه و تفاصيله الدقيقه الحميمه هى من الأمور الأكثر جذبا .. للرجال و النساء على حد سواء .. للنساء لأن هذا هو عالمهنّ الخاص و للرجال ربّما لأنّه يكشف لهنّ أسرار عالم أرى أنّه لازال خام جدّا ولم يكتشف بالقدر المناسب

النهارده كنت باتكلّم مع صديق عن مقارنتى بين فيلمين يفترض أن كلاّ منهما يناقش قضيه نسائيه .. احد فيهم هو فيلم "فى شقّة مصر الجديده" و الآخر هو فيلم "سكّر بنات" .. و برغم أن الأوّل لم يكن فيلما نسائيا بحتا كما هو الحال بالنسبه للثانى "الذى يدّعى ولا يناقش فى الحقيقه أى مشكله نسائيه حقيقيه" فقد فتنت باللمحات الصغيره فى الفيلم الأوّل التى عكست جوّ البنسيون الذى أقامت به بطلة الفيلم مع مجموعه من الفتيات و الشابات لكل منهنّ حلمها الخاص ..

أعتقد أن أى إبداع سواء كان فيلم أو قصّه أو حتى ديفيليه حين يناقش بصدق و بحيويه و إشراق كما فعلت فى هذا البوست علاقة المرأه بما حولها و بمجتمعها بيكون له حظ كبير من الحيويه و الجمال :) إيه نظام الأسعار بقى؟

:)

Sherif said...

زمان الوصل

لااستطيع أن أصف لك مدى سعادتى بأنه أعجبك

أوجزت أنت فى كلمة واحدة .. الصدق .. خصوصا فى الابداع .. هو مايترك فى النفس ذلك الأثر الانسانى المتبقى ..

لدى مدونة أخرى بها لوحاتى .. اذا كان يروقك ذلك اسمها
Touch My Soul

أشكرك لتشريفى