Wednesday, August 13, 2008

يعنى ايه ؟ .. اختفى ؟ -
مش لاقيينه خالص .. دورنا عليه فى كل مكان .. -
ولما ييجى اصحابه .. هانقولهم ايه ؟ -
والله مانا عارفة .. حاجة تكسف .. -
يكون هرب ؟ -
ويهرب ليه .. الأكل عنده والميه والمكان -
نضيف بس هو بقى له يومين مش باين
غريبة قوى الحكاية دى ؟ دورنا كويس -
تحت السراير ؟ تعالوا ندور تانى

وبعد فترة
.. لقيناه -
فين ؟ -
تحت السرير .. ورا الشنط .. ياعينى شكله تعبان .. -
الحمد لله .. -

كان هذا مشمش .. أخو ميشو
ميشو هذا هو القط الإيرانى الجميل الذى اعطته ايانا طنط حورية لأن الأولاد نفسهم فى قط صغير .. لكنه الآن بسم الله ماشاءالله صار شابا قويا يغدو ويروح فى الشقة كأنه حكمدار المنطقة .. يتفقد هذا .. ويمر على ذلك .. كأنه سيد حقيقى لهذا المنزل وليس أنا .. الكل فى طاعته .. اللبن والماء فى ميعاده .. والرمل الذى كنا نغيّره الشيكارة بخمسة جنيهات مع أننا نعلم تماما أن عوّاد يأتى به من أى كوم رمل لأى حد يبنى فى المنطقة .. وهذا لمكان قضاء الحاجة .. غير التدليل والتسريح

وحقيقة سعد به الأولاد كثيرا .. وغير التربيت والمسح كان يحلوا لهم تقبيله .. خصوصا لولو التى لم يكن سنها يتخطى الثلاث أما أنا فكان كثيرا ما يتمسح بى .. ويركب كتفى أثناء جلوسى على طاولة الطعام اذاكر .. أو يرقد فى جلبابى وأنا نائم فلا أتقلب حتى لاأوقظه من النوم .. أو جانب أذنى فاسمع تلك الوورر المنتظمة حتى يبتعد

وتاريخنا مع القطط البلدى والسيامى والشيرازى المخلط والأصلى عريق جدا يمتد الى صباى .. ومعايشتنا لها جعلتنا نتعامل معها بمنتهى الرقة .. وبمنتهى الصرامة أحيانا .. فالقط حين يتملكه الغرور يصبح من الصعب تأديبه .. وقاموسنا العائلى يحتوى على كم لابأس به من أساليب التأديب تبدأ من حرمانه مؤقتا من شئ يحبه وتنتهى بالضرب اذا لزم الأمر وتكتيفه .. صحيح أنه سوف ينوبك منه خرابيش كثيرة الى جانب العضّ .. ولكنك إذا أمسكت جيدا بأرجله الأربعة فستتمكن منه .. ولاتهددك تلك الزمجرة الطويلة التى تنذر بعاقب الأمور لأنها ستتحول فيما بعد الى مواء يستعطفك لتخف عنه

وزمان أثناء سيرنا من الفرنساوى الى فم الخليج بيت عمتى أنا ونبيل .. كنا نسلك الطريق خلف جامع عمرو بن العاص .. طريق المقابر .. وحين كنا نرى قطة سوداء كنا نجرى بعيدا .. وكان يحذرنى ألا أدعها تمر من بين رجلىّ .. والا مسخت قردا .. فهى الشيطان فى شكل قطة .. بعد فترة .. ملأ رأسى التحدى .. فوقفت مرة .. ونظرت فى عينيها مهددا .. فلا هى مرت من بين ساقى ولاشئ
هكذا كانت الأوهام والحكايات تسيطر على عقولنا الصغيرة .. وهكذا شببنا على ان القطط مخلوقات كغيرها .. ليس فيها شئ غير عادى

وفى يوم .. كانت طنط حورية على سفر .. فطلبت منا أن تستضيف مشمش .. أخو ميشو .. مؤقتا الى حين عودتها .. فرحبنا بكل سرور .. والأطفال كانوا أسعدنا طبعا .. فدندن ولولو كل واحد منهما سيكون له قطه الخاص .. مافيش خناق بعد الآن

وجاء مشمش .. حتة دين مشمش .. لونه مشمى أيضا .. لكن فرائه كان منفوشا جميلا ناعما .. السيد ميشو كان شعره خشن قليلا .. كان مشمش ذيله فخما .. مرفوعا دائما .. يتيه مختالا فى مشيته .. بينما ميشو بيه ذيله كالقصبة .. صحيح أنه يرفعه .. ولكن شتان .. مشمش أجمل وأنعم

فهمنا فى النهاية أن طنط حورية خدعتنا .. أو هكذا ظن الأطفال .. لكننى كنت أعرف أنه من غير المعقول أنّ يعطيك أحد أحلى قط عنده المهم أنه عندما حضر الأخ الجديد .. كنا نعد الأكل للإثنين معا .. وكان شكلهم جميلا جدا وهما يأكلان جنبا الى جنب .. كذلك وهما يتجولان سويا .. أخوات فعلا ..
!! .. إلا أن هذا الحال لم يدم طويلا .. وبدأت مشاحنات صغيرة بينهما .. تحولت الى مشاجرات .. ثم اختفى مشمش
وحين عثرنا عليه .. وجدناه شاحبا هزيلا وعينه اليمنى شبه مغلقة تقريبا .. وعلى مايبدو أن ميشو هبشه فى عينه .. ليس هذا فقط .. بل حددّ إقامته تحت السرير خلف الشنط
ثم تولاه الصغار .. وكأنما اعادوه للحياة مرة أخرى .. مع نظرات تهديد وتوعيد كلما مرّ أمام السيد ميشو
وفى يوم .. وجدت لولو الصغيرة وآثار خربشة وجروح فى وجهها
ايه اللى عمل فى لولو كده ؟ -
ميشو .. -
ازاى ؟ -
كانت بتبوسه فى وشه فخربشها .. واتعورت -

.. بسّ
لم أدرى بنفسى الا والدماء تجرى فى عروقى .. والخواطر تنهال على رأسى .. الققط غدّارة .. مالهاش أمان .. القطط تاكل وتنسى .. ناكرة للجميل .. ووجدتنى أمسك بالمقشة وأطارده فى كل مكان .. حتى عندما كان يختبئ تحت السراير .. كنت أرفع المراتب بعيدا حتى يظهر لى جليا

نعم .. نال علقة ساخنة .. بعدها كنت أنظر اليه من بعيد فيختفى عن وجهى تماما .. ولايسلك أى طريق أنا فيه .. وصار لايقترب من مشمش أبدا
وهكذا حتى عادت طنط حورية من المصيف .. فأرسلت لها الإثنين

!! ..قطط

38 comments:

appy said...

عارف انى بموت فى القطط
وكان عندى تيتو قط رومى على شيرازى لما كان بيغلط كنت بعاقبه احكى لك حكايه عمرى لو حد حكاها ليها ما كنت هصدق بس والله حصل كان صغير عنده تلاتت شهور وانا قاعده وكنت مضايقه وبعيط وكان متعود يطلع ينام على كتفى فى اليوم ده عارف لما حد يلاقى طفل بيعيط ويحط ايديه الاتنين على وشه او على خدوده لقيته بيحط كفينه على خدودى وبعدين حط ايديه على كتافى ونام عارف احساسى اتغير حسيت ان القط على الرغم من انه حيوان بس بيحس اوى
يمكن غدره ده جاى من عدم احساسه بالامان بجد
فكرتنى وهقعد اعيط لانه مات وانا فى الشغل كده ربنا يسامحك على الصبح

كاميليا said...

صار شابا قويا يغدو ويروح فى الشقة كأنه حكمدار المنطقة .. يتفقد هذا .. ويمر على ذلك .. كأنه سيد حقيقى لهذا المنزل وليس أنا .. الكل فى طاعته
....

هههههههههههه

مش ممكن


...
وجاء مشمش .. حتة دين مشمش .. لونه مشمى أيضا .. لكن فرائه كان منفوشا جميلا ناعما .. السيد ميشو كان شعره خشن قليلا .. كان مشمش ذيله فخما .. مرفوعا دائما .. يتيه مختالا فى مشيته .. بينما ميشو بيه ذيله كالقصبة .. صحيح أنه يرفعه .. ولكن شتان
....

أسلوب غاية فى الروعة
بجد .. أنا لا اقرأ شيئا مرتان متتاليتان .. ولكن هذا البوست قرأته مرتين كى لا احرم نفسى من الاستمتاع بجمال كلماته

انا احب هذه المدونة جدا جدا

كل الاحترام

قوس قزح said...

هى مش بتخربش كده الا لما بتكون خايفة اوى

انا طول عمرى بربى قطط وبصراحة اولادى هم السبب فى انى ابطل الحكاية دى لان اخر قطة مسكوها من ديلها على اساس انها زى فانوس رمضان و بقوا يلفوها

يعنى اقلعت عن التربية رأفة بالحيوان :)

......................

عايز فعلا تبقى مشاركتك مش بس كلام
و تساعد نفسك و غيرك و بلدك
تعالى شارك معنا
التفاصيل هنا

http://kouskoza7.blogspot.com/2008/08/blog-post_12.html

او هنا

http://bekyaforsale.blogspot.com/2008/08/blog-post.html

قلب ينبض لله said...

ههههههههههههههههه

قطط صحيح

بس باين أن لولو بنت حضرتك عسولة خالص
باست القط قام خربشها

أحسن حاجة أنك مشيتهم
أحنا عندنا كام لولو

دمت بكل الخير والسلامة

Jana said...

هى ايه حكاية المشاميش اليومين دول!!!؟
القط مشمش فى بيت والدتى ..جاءت له جارتنا بقطتها مشمشة ..حيث يشعر الاثنان بالوحدة كثيرا
الاثنان شيرازى ولونهم مشمشى يشوبه الابيض
لكن مشمشنا بيكن فيس ومشمشة الجيران موون فيس وأحلى
مشمشة تأكل أكل مشمش ورفضت ما تعودت عليه فى بيتها القديم
واحتلت مكانه المفضل فى بانيو الحمام ..حيث الجو رطب ومنعش وبرودة السطح التى يحتاجاها دائما بسبب شعرهما الكثيف
تنظر له نظرة تهديدية مريبة
ولسان حالها يقول
انت بتحلم يا مشمش
هههههههههههههههههههه

واضح ان كل المشاميش مثيرى للشغب
:)

على فكرة انا عندى فوبيا من الحيوانات والقطط ولا اتعامل معهم مطلقا

أسلوب حضرتك ممتع جدا
وهذه ايضا اول زيارة لى
استمتعت بها كثيرا

أحييك على المدونة الأخرى ..وخاصة لوحات الوجوه ..حقا رائعة... أعشق رسم وجه وملامح الأنثى بالأخص
ولكنى للأسف لا ارسم الا بالقلم الرصاص

سعيدة جدا باكتشافى مدونتيك

تحياتى

سلوى said...

:)

أقرأ ما كتبت
وكل ما كتبت تحول أمامي لمشاهد حيه
كدت أرى مشمش وزيله المرتفع الكثيف
وأرى وجه لولو الذى أصابه الجروح نتيجه الهجمه الغادرة من ميشو بيه الذي أكلت قلبه الغيره من البرنس مشمش
والأكثر رأيتك وأن تطارد ميشو معاقبا له

أسلوب ولا أروع
جمييييييييييييييييييييل

وعجبني أوى بقى
إنك رجعت القطين مش مشمش بس

دمت بكل الخير والسعاده أيها المتميز :)

زمان الوصل said...

للأسف الشديد طول عمرى مش باعرف أتعامل مع القطط :( عندى إحساس دائم إنّها هتخربشنى .. و كفايه صوت القطط و هى بينونو بالليل مثلا على سلّم العماره .. نيييياااااااااووو .. بقى طلع صوت على مفيش !!

بس أحلى حاجه فيهم أمّا تتفرّج عليهم و همّا بيلعبوا مثلا أو بينكشوا فى حاجه بيبقوا عاملين زى الأطفال الصغيّرين جدّا و الفرجه عليهم ممتعه و مسليّه !! سبحان الله

صباح الخير يا مصر said...

و أنا صغير كنت بموت فى القطط و خصوصا الاشقيه ولا احب القطط "الكوميخه" اى الهادئه..وعندما ذهبت عند صديق والدى الله يرحمه لاختيار قطه سيامى من الصغيرين و كانوا سبعه كان نفسى آخذهم كلهم من حبى لهم و لكنى كان يجب ان اختار واحده فقط و لانى احب القطط الشقيه فقد جلست الاعبهم بميداليه و الكل يجرى وراءها و بمراقبتى لهم جميعا اكتشفت ان اشقى واحد فيهم كان من غير ذيل و مع ذلك فقد اخترته

اما عن انك رجعت الاثنين فطبعا دا هن منطلق
ان السيئه تعم...و الحسنه تخص

تحياتى يا شريف باشا

Shimaa Gamal said...

لازم يتخانقوا :) ميشو ليه واجب الضيف لكن يحس إن البيت بيته لازم ينضرب و يعرف حدوده .
ماكنتش لازم تضربه لإنه كان بيدافع عن بيته . كان غيران :) ماهو القطط زى الستات بالضبط .

Shimaa Gamal said...

Sorry I meant Meshmesh not Misho :)

karim said...

القطط مخلوقات جميلة جدا ولكن لابد من الحذر منها فعلا القطط غدارة احيانا ولكنها ايضا حنونة جداا . علشان كدة المتعلقين بيهم بيستحملوا منهم اى شىء. تحياتى

Sherif said...

Appy
====
مش ممكن يكون قصدى أنى أثير شجونك .. أنا آسف جدا

اعترف معك بإن القطط حنية جدا فى حالاتها الطبيعة وبيكونوا أرق من الرقة

مجرد ماحد يحاول يبقى سيد عليهم .. النتيجة بتبقى صعبة قوى

ربنا يخليكى مبتسمة على طول

كاميليا
=======
من فارسة الكلمة والمشاعر كما أقرأ فى مدونتك فهذه شهادة أعتز بها

هذه المدونة منورة دائما بما تضعيه من لمسات فى تعليق

قوس قزح
=======
مرحبا
ذهبت الى الموقع وقرأت كل شئ
سأنضم بإذن الله الى القافلة

ربنا يقدرك انت وآبى على فعل الخير
وانتم أهله

قلب ينبض لله
==========
بصراحة .. أنا انزعجت كده لما لقيته خربشها لدرجة انها تنزف

القطط برضه بتفهم .. بس تفتكرى بطلنا نجيب قطط ؟ أبدا وحياتك

وصدقى أو لاتصدقى .. خطيب لولو شخصيا لما ضاع القط بتاعها الشيرازى سافر اسكندرية تانى يوم وقبل المغرب كان راجع بقط تانى صغير شيرازى علشنا ماتزعلش

Jana
====
أول مرة تشرفينى بالزيارة .. يارب على طول

وقليل جدا ان شكرتك على اطرائك الجميل على المدونتين
والحمدلله انها اعجبتك

الموون فيس أحلى؟ يعنى البقاء للأجمل ؟
طب والباقيين يعملوا ايه؟

سلوى
====
ياصاحبة الابتسامة الجميلة .. انت تعيشين الكلمات بكل أحاسيسك .. وتعبرين عن ذلك بكلمات أروع منها .. وكأن تعليقك يكمل القصة

دمت بكل ود

زمان الوصل
==========
أحلى وصف لهم .. زى الأطفال الصغيرين .. عشان كده بنحبهم

القطط بالليل عالسلالم .. تسمعهم وانت على السرير فيداعب الرعب والكحل خيالك .. لا .. دى حدوتة تانية

صباح الخير يامصر
==============
من غير ديل ؟
ايه الحظ ده؟ يمكن عشان كده كان خفيف الحركة

والله من باب الاحتياط بعد اللى حصل

مرحبا دائما

Shimaa
======
You proposed a very important fact

Kittens are so jealous .. and women are just as jealous ..

Karim
=====
ربما لهذا لم نعد نقتنى القطط كثيرا الآن

راجى said...

اول حيوان تفتحت عيناى على رؤياه كانت الكلبة روزا التى كان يربيها ابى فى الحديقة ، وكانت تسبب الرعب لكل مار بجوار المنزل ولم يدعها ابى تتزوج فتوحشت وكانت احيانا تزمجر فى وفى اختى ووالدتى احيانا ولكن ابدا لم تزمجر اطلاقا لابى واكنت تتهلل وتقفز وتضع ساقيها الاماميين على صدره
ثم فى اى احد الايام اقتربت قطة صغيرة متسخة بردانه من الباب فالتقطها ابى وادخلها المنزل واسماها كيشانة الغلبانة على اسم احى بطلات مسلسل الف ليلة وليلة الاذاعى ايامها والتى كان ابى مغرما بسماعها خلال شهر رمضان
وهكذا تحولت رمانة الميزان من روزا الى كيشانة وعشقنا القطط
الان اختى عندها حوالى 7 قطط وتشترى لهم رمل خاص يمتص الرائحة
ومعلومة لسيادتك
امسك القط من رقبته من الخلف كما تمسكه امه بانيابها لن يستطيع حراكا ومهما كان حجمه او درجة شراسته سوف يستسلم فى الحال
تحياتى لك ياشريف بك

blackcairorose said...

حرام عليك يا شريف تضرب القط

عارفه انك كنت مضايق بس الحيوانات الاليفة احيانا كتير متقدرش تتحكم فى تصرفاتها مهما علمتها

انا خبرتى اكتر مع الكلاب لانى بحبهم جدا وفى فترة كان عندى ثلاث كلاب، بس القطط معرفش ليه مبحبهمش قوى ومقارنة بالكلاب تحس انهم انانيين يحبوك بس وقت ما يكونوا عايزين اما الكلاب فالود معاهم دايما موصول وبيعبروا عن فرحتهم بشكل اوضح

Desert cat said...

يالهوى كل الشتيمة اللى فى الاخر دى فى القطط يا استاذ شريف
هو ممكن يكون غدارين اه الا قطط الصحراء دى قطط حلوة صدقنى هى مش اليفه اينعم
ومش بتتعود على حد بسرعه معاك
ودايما بتجعل جزء من حياتها غامض مش يعرفه حد غيرها متفقه برضه معاك
انما مش غدارة صدقنى خالص
نسيب قطط الصحراء فى حالها ونيجى للقطط بتاعتنا
انا كان عندى رينو زماان فى ثانوى كدا كان صديقى وكل حاجه جميلة عندى واتسرق ومش نمت ولا هدى لى بال غير لما رجعته اصل اللى يسرقوه كان حد نعرفه الواحد مش يخاف غير من المعارف علشان كدا لازم الحذر بدليل طنط حورية طبعا ههههههه والقط بتاعها اللى خربش لولو
جينا سيبنا المنطقة اللى كنا ساكنين فيها وروحنا منطقة تانية فى المرة دى راااااااخ ومرجعش مش عارفه راح فين بصراحة
بس عندى دلوقتى بنوتى حبيبتى لوجى
حاجه جميلة كدا شيرازى فارسى بس زى القمر بتفهمنى من نظرة عنيا بس ولما ابرق لها تعرف انها بتعمل حاجه غلط تبتعد على طول
تحياتى لحضرتك وقبلاتى لولو

insomniac said...

ana kont tool 3omry bakhaf mel 2otat... le7ad ma rabena raza2ny be waladeen feehom keteer men akhla2 el otat... including el 3ad wel kharbasha wel hezar el te2eel!!

bafakar ageblohom kalb et3amel ma3ahom...

btw, shimaa is right, el ott beta3ak 7as en el ehtemam 2al men 3aleeh bas 3ashan shaklo mesh 7elw zay akhooh... it'ss a normal reaction, men 2ott aw men bany 2adam...

دخل الشتا said...

فقط أتساءل ألم تجرب أن تكتب قصة قصيرة ذات يوم؟

Sherif said...

العزيز ايهاب

فى الحقيقة جربت .. ولكنى لم أجرب عرضها أو نشرها .. فقد كانت كل اهتماماتى هو نشر بعض الكتب الثقافية المترجمة ولى فى هذا العديد .. كذلك كتبا فى مجال عملى

من بين اعمالى أيضا قاموسا فرنسيا اسمه ابن سيناء

لكننى للأسف لم أقتحم عالم الأدب

شكرا لتنويهك الجميل المستتر فى اننى ربما كنت أهلا لمثل هذه الأعمال التى لها ناسها

وانت من بينهم بكل تأكيد

Sherif said...

راجى باشا
=========

أحب الكلاب مثلك ربما اكثر من القطط .. وواضح ان الوالد كان فى منتهى الحنية لدرجة ايواء قطة بدون بطاقة

ليس لدينا للأسف قطط الآن وان كنت احن اليهم كثيرا

BCR
===
اذن انت معايا فى انهم بيدوروا على مصلحتهم؟
وياكلوا وينكروا .. مابال لو شفتى واحد شرح وش بنتك؟ تعملى ايه؟

Desert Cat
==========
أنا ماخفتش الا من تعليقك .. وقلت قطة الصحراء لو مرت من هنا ستشن على عاصفة الصحراء

على فكرة كل الناس بتموت فى القطط .. وياما جالنا بعد ميشو ولحد مالاولاد كبروا

انا بس ساعتها فقدت شعورى لما شفت المنظر.. وكلنا بتمر بينا اوقات زى دى

سماح؟

insomniac
=========
مهما كان .. الاطفال أحلى .. ربنا يخليكى لهم ويسعدك بيهم

ماكنتش متخيل انه يغير من أخوه بالشكل ده

أهلا بك دائما

رحــــيـل said...

هههههههههههههههه
اانا مبحبش القطط نهائى
بس كويس انه خاف اوتعدل بعدال علقه اللى خدها
هههه
تحياتى لك

صفاء said...

برضه القطط ؟؟
بحبها جدا وكانت افضل هواياتى هى تربيتها وحمومها واخرج مخصوص عشان اشتريلها الاكل وفى وقت من الاوقات كان عندى قطتين واحدة سيامى والاخرى شيرازى
وانت تعرف خيلاء الشيرازى واعجابها واهتمامها بذيلها وتعرف افتقار السيامى لمثل هذا النوع من الشعر ولك ان تتخيل حجم المعارك اليوميه بينهم حتى اضطررت ان ابعد القطه الشيرازى لأنها اصلا كانت ضيفه واستمر بالاحتفاظ بالسيامى ولكن بعد وفاتها لم اجرؤ على ان اربى قطط مرة اخرى
طبعا انت ملكش دعوة بكل الحكايه الطويله دى بس هى جت على سيرة القطط
تحياتى

Sherif said...

رحيل
====

أما باشوفك بتعلقى عندى باطمن انك بخير
ربنا يسعد ايامك
بس مش غريبة انك مش بتحبى القطط ؟

ششفتى حزب القطط وانا منهم كبير قد ايه؟

مرحبا بك

صفاء
====
بالعكس .. الشئ بالشئ يذكر .. واجمل حاجة فى المدونات انها بتفكر بعض بمواقف طريفة جدا

انا احب الشيرازى .. وليس انا فقط
السيامى قليط شوية .. لكنه ساكن كالتمثال

شرفتينى بزيارتك

Desert cat said...

هو انا اقدر برضه اشن الحرب على حضرتك ده انا اشنها على مصر كلها الا حضرتك
وبعدين خلاص سماح المرة دى علشان خاطر لولو
:)

sa7arkash said...

اولا ازيك عامل اية..واية اخبار القطط معاكم..انا بترعب منها..برغم انى فى الصغر كنت واخى الاكبر نحبهم ونربيهم..حتى مرحلة معينة وقامت امى بتسريبها...واتذكر انى بكيت عليها بمرارة..اما الان فلا اطيق رؤيتها..واحييك على موقفك معها بعد ما فعلتة بلولو...قطط ما تجيش الا بالعين الحمرا..صحيح يخافوا ما يختشوش

تحياتى

Sherif said...

Desert Cat
==========
خالص شكرى وامتنانى لك

يسعدنى مرورك جدا

Sa7arkash
=========
ومع ذلك .. اتهرينا قطط بعد كده

دائما تنورينى بمرورك

كلبوزة لكن سمباتيك said...

استمتعت بقراءة كل كلمة
اسلوب مميز
تحياتي

Sherif said...

كلبوظة
======
كنت اظن انك نسيتينى لأنى زرتك كثيرا ولم تردى الزيارة

لى حق عرب وهدية كمان

Arabic ID said...

شريف الرائع

أنا مابحبش الحيوانات أنى أربيها، لكن أحب أوقات ألاعبها
القطط متعقد منها من وأنا صغير والكلاب كذلك
لو هاتكلمنى انى أربى حاجة يبقى عصافير أو سلاحف أو حتى تماسيح لكن القطط والكلاب دول خلاص متعقد منهم

=====
تحياتى لك شريف

مياسي said...

عمري ما قدرت استوعب كيف الناس بتربي حيوانات في البيت!!!!

ما بحب الحيوانات كتير و لكن لو فاضلنا بين القطط و الكلاب لاخترت القطط طبعا-اسفه يا روزا-

القطط بجد شكلها و حياتها بحسهم هيك -زي ما بيقولو بالمصري (شيك قوي)

ع فكره؛ القطط الشيرازيه رووووووووووعه جدا جميله

ذكرتني ببيت خالتي؛ كانو مربيين (بس) و هيك بنسمي القطط -بساس - و كان اسمو عسكر

السيد عسكر كان اسم ع مسمى؛ فكرني بيه البس اللي انتا كنت مربيه؛ يعني سايد و مايد في البيت بس كانت اصغر وحده في البيت مستلميتو؛ بس يشوفها كان يهرب لحالو :)

عامليتلو رعب!!!

Shimaa Gamal said...

you are tagged :)

Sherif said...

الفتى الوسيم
===========
البلابل هى أقرب الطيور لشخصك الشاعرى

بلاها قطط وكلاب

مياسى
=====
يبدو ان القطط فعلا بتغير من بعضها

بس مندهش ان بس يخاف من بسة

Shimaa
======
OK Boss .. God helps

مياسي said...

لأ يا شريف
أنا بحكي عن بنت خالتي الصغيره

هي اللي كانت مخوفه عسكر مش بسه تانيه:)

ولاء said...

ونال العقاب
خسارة ان عقابة ل م يتوقف عند الضرب وانك ارسلته بعيدا
فالقط اذا احس بعدم الامان ثار حتى علي اصحابه
اكتب الان وقطي فوق الكي بوورد وكلما انزلته صعد عليه مرة ثانية للفت الانتباه ويشعر انه رقم واحد لدي

هذا تعليقي علي الحدث في حد ذاته
اما تعليقي علي البوست فحقا كلما دخلت مدونتك ذدت احتراما لك
لسببين
الاول انك بالفعل تسرد بطريقة منمقط وبسيطة ولا تخلوا ابدا من الامتاع والاستمتاع في كل جملة
الثاني .. لا اخفيك سرا اشعر في مدونتك انك اب جدا جدا جدا طبعا لا اقصدني فانت اخ اكبر احترمه واقدره
ولاكني اشعر بابوتك فلن تدخل لولو ودندن المدونه الا ويستمتعا ويخرجان منها وهما بغاية السعادة والفخر بوالدهما
سردك راائع فعلا وتعترف بالخطا ولا تفخم الصواب لديك
وهذا ما يجعلني اشعر في كلماتك بالاب الحريص علي اولاده
ربنا يبارك فيك ويبارك لك فيهم يارب
تحياتي اخي
للبوست الجميل والمدونة الرررائعة
المحترمة جدااااااا

Sherif said...

العزيزة ولاء
============

قليلة كلمة أشكرك على اطرائك الطويل الدافئ .. وكلماتك المتدفقة احساسا وصدقا

لاأجاملك ان قلت ان اسلوبك انت ايضا اكثر من رائع .. فى الواقع انى لااعرف المجاملة

بيتهيألى ان اى أب هو كذلك .. لولا ان الأبهات هم عادة قليلوا الحظ فى المجاملة والاغانى ايضا

مؤخرا نانسى عجرم غنت لبابا فى شريط اطفال فشعرت ببعض الانصاف

جميلة كلماتك وتعليقاتك التى تخرج من القلب

ربنا يبارك فيك ويكتب لك فى كل خطوة كل النجاح والتوفيق

و القادم....أجمل said...

انا الصراحة بخاف منهم
ممكن مرة واحدة تلاقيها خربشت
:(
انا بفضل الكلاب
عندها وفاء رااائع
كمان عمرها متغدر
أو تهاجم

:)

أحلى حاجة بأه
إن الواحد ميربيش حاجة
لأنه بيتربط بيها
و بيحزن لو حصلها حاجة

====================

كل سنة و حضرتك طيب

تقديري و إحترامي

:)

Sherif said...

والقادم أجمل
===========
دائما اتوقعك .. بكلامك الجميل الذى ينظر الى الشرق دائما .. حيث الشمس

أنا أيضا مع حبى للقطط ..لسهولة اقتنائها بالمنزل .. أفضل الكلاب

وانت بالف صحة وسلامة

اعاد الله علينا جميعا رمضان ونحن بخير وعافية .. واعاننا على صيامه وقيامه

آمين

nasimlibya said...

ههههههههههه حلوة
انا شخصيا احب القطط جدا اهنيك ببقائهم عندك اما عن الخربشة تكلم ولا يهمك
مفيش قط ميخربشش
سعدت بزيارتي لمدونتك

Sherif said...

Nasim Lybia

يسعدنى انها اعجبتك

شرفتينى بزيارتك